ডিজিটেল ডেস্কঃ বাংলাদেশৰ গাজীপুৰ জিলা প্রশাসকৰ কাৰ্যালয়ৰ সন্মুখত বৈষম্য বিৰোধী আন্দোলনৰ শিক্ষার্থীসকলক লক্ষ্য কৰি শুকুৰবাৰে দুবৃর্ত্তই আক্রমণ চলায়।
শুকুৰবাৰে সন্ধিয়া চহৰখনৰ জোৰ পুখুৰী পাৰৰ দিশৰ পৰা মটৰচাইকেলেৰে অহা দুর্বৃত্তই শিক্ষার্থীসকলক লক্ষ্য কৰি গুলীচালনা কৰে। এই গুলীচালনাত মোবাশ্বেৰ হোসেন (২৬) নামৰ ছাত্ৰজন আহত হয়। আনহাতে, বাংলাদেশৰ আইন-শৃংখলা পৰিস্থিতি স্বাভাৱিক কৰাৰ লক্ষ্যৰে আৰু সন্ত্রাসবাদীবোৰক আইনৰ আওতালৈ আনিবলৈ শনিবাৰৰ পৰা গাজীপুৰ এলেকাসহ সমগ্র দেশতে যৌথ বাহিনীৰ সমন্বয়ত 'অপাৰেশন ডেভিল হান্ট” দেশখনৰ অন্তৰ্বতী চৰকাৰে আৰম্ভ কৰে। শনিবাৰে ঢাকাৰ গৃহ মন্ত্ৰ্যালয়ে নিৰাপত্তা বাহিনীৰ সমন্বয়ত অনুষ্ঠিত কৰা এখন বৈঠকত এই সিদ্ধান্ত লয়।
(উৎস দৈনিক জনমভূমি)
