ডিজিটেল ডেস্কঃ ভাৰতীয় ক্ৰিকেট তাৰকা বিৰাট কোহলীৰ সৈতে সাদৃশ্য থকা এজন অভিনেতা এতিয়া ইণ্টাৰনেট জগতত ভাইৰেল হৈ পৰিছে৷ অভিনেতাজন তুৰ্কীৰ৷ তেওঁৰ নাম কেভিট চেটিন গুনাৰ৷
এজন Reddit ব্যৱহাৰকাৰীয়ে তুৰ্কী ঐতিহাসিক নাটক Diriliş: Ertugrul ৰ স্ক্ৰীণশ্বট শ্বেয়াৰ কৰিছিল, য'ত কেভিট চেটিন গুনাৰে অভিনয় কৰিছিল।
ৰেডিট ব্যৱহাৰকাৰীগৰাকীয়ে ছবিখন পোষ্ট কৰি কেপচন দিছিল, “অনুষ্কা শৰ্মাৰ স্বামীৰ টিভি শ্ব’ত আত্মপ্ৰকাশ” আৰু ই অতি সোনকালেই সকলোৰে দৃষ্টি আকৰ্ষণ কৰিছিল।
ছবিখনত কেভিটে অভিনয় কৰা চৰিত্ৰটোৱে টুপী পিন্ধি হাতত কিবা এটা ধৰি কাৰোবাৰ ফালে চাই থকা দেখা গৈছে। অভিনেতাগৰাকীক দেখাত সাইলাখ বিৰাট কোহলীৰ দৰে লাগিছিল৷
মুহূৰ্ততে ই ভাইৰেল হৈ পৰে৷ নেটিজেনসকলে ভিন ভিন মন্তব্য প্ৰকাশ কৰে৷ অনুষ্কাক লৈ এটা ধেমালিসূচক মন্তব্য কৰি এজনে কয় ‘‘হাঁহি উঠা কথাটো হ’ল যে অনুষ্কাই এতিয়াও তেওঁক চিনি নাপাব কাৰণ ‘ৰব নে বানা ডি জোড়ি’তো তেওঁ স্বামীক চিনি পোৱা নাছিল”
উল্লেখ্য যে Diriliş: Ertugrul হৈছে Mehmet Bozdağ দ্বাৰা নিৰ্মিত এখন তুৰ্কী ঐতিহাসিক দুঃসাহসিক ধাৰাবাহিক। শ্ব'টোত ইঞ্জিন আলটান ডুজিয়াটানে এৰ্টুগ্ৰুল বেৰ চৰিত্ৰত অভিনয় কৰিছে, কেভিট চেটিন গুনাৰ, কান টাছানাৰ, আৰু হুলিয়া ডাৰ্কানৰ সৈতে। ত্ৰয়োদশ শতিকাৰ পৰিৱেশত নিৰ্মিত এই ধাৰাবাহিকখনত অট্টোমান সাম্ৰাজ্যৰ প্ৰতিষ্ঠাপক প্ৰথম ওছমানৰ পিতৃ এৰটুগ্ৰুলৰ যাত্ৰাৰ বুৰঞ্জী বৰ্ণনা কৰা হৈছে। ২০১৪ চনত প্ৰিমিয়াৰ হোৱা এই অনুষ্ঠানটো ২০১৯ চনত সমাপ্ত হোৱাৰ পূৰ্বে পাঁচটা ছিজন চলিছিল।
