ডিজিটেল ডেস্কঃ এটি মাত্ৰ শতকীয় ইনিংছ।ফৰ্মহীনতাত থকা কোহলীৰ জীৱন সলনি কৰি দিব বুলি সদৰী কৰিছে ভাৰতৰ প্ৰাক্তন অধিনায়ক মহম্মদ আজহাৰউদ্দিনে। ফৰ্মৰ বাহিৰত থকা প্ৰাক্তন অধিনায়কগৰাকীয়ে কোনো আন্তঃৰাষ্ট্ৰীয় ফ্ৰেঞ্চাইজী লীগতে আশানুৰূপ স্ক’ৰ কৰিব পৰা নাই।
তেওঁ কয়, ‘প্ৰতিজন ক্ৰিকেটাৰৰে বেয়া সময় থাকে। কোহলীৰো বেয়া সময় চলিছে। কিন্তু এটা ডাঙৰ শতকীয় ইনিংছৰ আগ্ৰাসনত আৰু অধিক আত্মবিশ্বাসী হৈ উঠিব পাৰে কোহলী। স্মৰ্তব্য যে, ২০১৯ চনৰ নৱেম্বৰ মাহৰ পৰা কোহলীৰ বেটত নাই শতকীয় ইনিংছ। আনকি ৰান স্ক’ৰিঙৰ ক্ষেত্ৰত পদে প্ৰতি ব্যৰ্থ হোৱা দেখা গৈছে তেওঁক। ৭০টা শতক নিজৰ দখলত থকা কোহলীয়ে ২০২০ চনৰ পৰা টেষ্টৰ শেষৰ ১৭টা ইনিংছত মাত্ৰ ৬টা অৰ্ধশতকেৰে ৮৪১ ৰানহে সংগ্ৰহ কৰিছে। আনহাতে, ১৮টা এদিনীয়া ইনিংছত ৯টা অৰ্ধশতকেৰে ৭০২ ৰানহে সংগ্ৰহ কৰিছে তেওঁ।
টি-২০ত ৬টা অৰ্ধশতকেৰে ২২টা ইনিংছত ৬৬৩টা ৰান সংগ্ৰহ কৰিছে কোহলীয়ে। আন্তঃৰাষ্ট্ৰীয় ক্ৰিকেটত শতক অৰ্জন কৰিব নোৱাৰিলেও ইণ্ডিয়ান প্ৰিমিয়াৰ লীগৰ পঞ্চদশ সংস্কৰণত এটা ডাঙৰ স্ক’ৰৰ স্বপ্নত বিভোৰ হৈ পৰিছিল কোহলী। কিন্তু তাতো বিফল হয় বিৰাট কোহলী।
অৱশ্যে, এটা শতকীয় ইনিংছে কোহলীক সলনি কৰি দিব বুলি অনুভৱ কৰিছে আজহাৰউদ্দিনে। কৌশলগৰ কোনো সমস্যা নাই বুলিও তেওঁ কয়। কেতিয়াবা ভাগ্যৰ প্ৰয়োজন হয়। যদি তেওঁ ডাঙৰ স্ক’ৰ কৰে, ডাঙৰ শতক পায়, তেন্তে কোহলীৰ সেই আক্ৰমণাত্মক শ্বট আৰু আত্মবিশ্বাস উভতাই পাব।’
Continue Reading
