ডিজিটেল ডেস্ক: যদি আপুনি প্ৰধানমন্ত্ৰী কিষাণ সন্মান নিধিৰ হিতাধিকাৰী, তেন্তে এই খবৰটোৱে আপোনাক সুখী কৰি তুলিব। কৃষকসকলক আৰ্থিক সাহায্য প্ৰদানৰ বাবে কেন্দ্ৰীয় চৰকাৰে চলাই থকা প্ৰধানমন্ত্ৰী কিষাণ নিধি যোজনা সন্দৰ্ভত এটা ডাঙৰ খবৰ পোহৰলৈ আহিছে। নৱৰাত্ৰিৰ সময়ত সমগ্ৰ দেশৰ ৯ কোটি কৃষকৰ বেংক একাউণ্টলৈ চৰকাৰে ২০০০ টকা ট্ৰেন্সফাৰ কৰিব। প্ৰধানমন্ত্ৰী কিষাণ নিধিৰ ১৮তম কিস্তিৰ মুক্তিৰ তাৰিখ ঘোষণা কৰিছে কেন্দ্ৰীয় চৰকাৰে।
প্ৰধানমন্ত্ৰী কিষাণ সন্মান নিধিৰ ৱেবছাইট অনুসৰি অহা ৫ অক্টোবৰত প্ৰধানমন্ত্ৰী নৰেন্দ্ৰ মোদীয়ে কৃষকৰ বাবে ১৮ সংখ্যক কিস্তিৰ ধন মুকলি কৰিব। এই আঁচনিৰ অধীনত দেশৰ দৰিদ্ৰ কৃষকসকলক কেন্দ্ৰীয় চৰকাৰে বছৰি ছয় হাজাৰ টকাৰ আৰ্থিক সাহায্য প্ৰদান কৰে। এই ধন পোনপটীয়াকৈ তেওঁলোকৰ বেংক একাউণ্টলৈ ডিবিটিৰ জৰিয়তে ট্ৰেন্সফাৰ কৰা হয়। এই কিস্তি কৃষকক ২ হাজাৰ টকাকৈ তিনিটা কিস্তিত দিয়া হয়।
২০১৯ চনত চৰকাৰে আৰম্ভ কৰিছিল প্ৰধানমন্ত্ৰী কিষাণ সন্মান নিধি যোজনা। আঁচনিৰ অধীনত লাভ কৰা ধন পোনপটীয়াকৈ কৃষকৰ বেংক একাউণ্টলৈ প্ৰেৰণ কৰা হয়। পি এম কিষাণৰ সকলো হিতাধিকাৰী কৃষকে ই-কেৱাইচিৰ সম্পন্ন কৰাটো প্ৰয়োজনীয়। ই-কেৱাইচিৰ জৰিয়তে আপোনাৰ পৰিচয় নিশ্চিত হোৱাৰ পিছতহে এই ধন আপোনাৰ একাউণ্টলৈ আহিব। আপুনি অনলাইনত অ’টিপিৰ জৰিয়তে বা যিকোনো চিএছচি চেণ্টাৰলৈ গৈ আপোনাৰ ফিংগাৰপ্ৰিণ্টৰ জৰিয়তে নিজকে চিনাক্ত কৰিব পাৰে।
যিসকল লোকৰ পিএম কিষাণৰ ই-কেৱাইচি নাই তেওঁলোকে আঁচনিৰ সুবিধা লাভ কৰাত অসুবিধাৰ সন্মুখীন হ’ব পাৰে। আপুনি আপোনাৰ মোবাইল নম্বৰ আৰু আধাৰ কাৰ্ডৰ জৰিয়তে অ’টিপিৰ ৰ সহায়ত PM Kisan Portal ত গৈ ই-কেৱাইচিৰ সম্পূৰ্ণ কৰিব পাৰিব। যদি এনে নহয়, তেন্তে আপুনি ওচৰৰ কমন চাৰ্ভিচ চেণ্টাৰ (চিএছচি)লৈ গৈও ই-কেৱাইচি সম্পূৰ্ণ কৰিব পাৰে।
প্ৰধানমন্ত্ৰী কিষাণ নিধি যোজনাৰ সমগ্ৰ ব্যৱস্থা চৰকাৰ আৰু কৃষকৰ মাজত। ইয়াত পুঁজি মুকলি কৰাৰ পিছত চৰকাৰে বেংকৰ জৰিয়তে পোনপটীয়াকৈ কৃষকৰ একাউণ্টলৈ ট্ৰেন্সফাৰ কৰে। ইয়াৰ পূৰ্বে জুলাই মাহত চৰকাৰে এই আঁচনিৰ সপ্তদশ কিস্তি মুকলি কৰি দিছিল।
Continue Reading
