গুৱাহাটী: অসম-মিজোৰাম সীমা সমস্যা সন্দৰ্ভত দিল্লীত অনুষ্ঠিত হৈছে এখন গুৰুত্বপূৰ্ণ বৈঠক৷ দুয়োখন ৰাজ্যৰ মুখ্য সচিবক দিল্লীলৈ তলব কৰা হৈছে৷ গৃহ-মন্ত্ৰণালয়ত অনুষ্ঠিত হৈছে এই বৈঠক৷ বৈঠকত উপস্থিত থাকে অসম-মিজোৰামৰ দুয়োগৰাকী আৰক্ষী সঞ্চালক প্ৰধান৷
দিনৰ ১০.৩০ বজাৰ পৰা দিল্লীত অনুষ্ঠিত হৈছে এই বৈঠক৷ মিজোৰামৰ মুখ্য সচিবৰ উপস্থিতত অনুষ্ঠিত হৈছিল প্ৰথমখন বৈঠক৷ আনহাতে ৪ বজাত অনুষ্ঠিত হ'ব দ্বিতীয়খন গুৰুত্বপূৰ্ণ বৈঠক৷ অসমৰ মুখ্যসচিব আৰু আৰক্ষী সঞ্চালক প্ৰধান উপস্থিত থাকিব বৈঠকখনত৷
সীমান্তৰ ঘটনা সন্দৰ্ভত মুখ্যমন্ত্ৰী ডঃ হিমন্ত বিশ্ব শৰ্মাই গুৰুত্বপূৰ্ণ মন্তব্য কৰে৷ সীমান্তৰ সমস্যাৰ বিষয়টোক লৈ ৰাজনীতি নকৰিবলৈ আহ্বান শৰ্মাৰ৷ ৰাজ্যৰ সীমা নিৰ্ধাৰণ কৰে কেন্দ্ৰই৷ মুখ্যমন্ত্ৰীৰ ভাষ্যৰ অপ-ব্যাখ্যা হোৱা বুলি মন্তব্য কৰে তেওঁ৷ কংগ্ৰেছকো কটাক্ষ কৰিলে মুখ্যমন্ত্ৰীয়ে৷
