ডিজিটেল ডেস্কঃ আজি ২০২৫ চনৰ ২০ জানুৱাৰীত আমেৰিকাৰ ৰাষ্ট্ৰপতি হিচাপে শপত গ্ৰহণ কৰিবলৈ কৰে ড’নাল্ড ট্ৰাম্পে। বহু দেশৰ ৰাষ্ট্ৰপতি আৰু প্ৰধানমন্ত্ৰীকে ধৰি বহু গণ্যমান্য ব্যক্তিয়ে এই মুহূৰ্তৰ সাক্ষী হ’বলৈ ৱাশ্বিংটন ডি চিত উপস্থিত হয়। ২০ জানুৱাৰী আমেৰিকাৰ বাবে এক অতি বিশেষ দিন। প্ৰতি চাৰি বছৰৰ মূৰে মূৰে অনুষ্ঠিত হোৱা ৰাষ্ট্ৰপতি নিৰ্বাচনৰ পিছত ২০ জানুৱাৰী তাৰিখে আমেৰিকাৰ নৱনিৰ্বাচিত ৰাষ্ট্ৰপতিগৰাকীয়ে শপত গ্ৰহণ কৰে।
আমেৰিকাত প্ৰতি ৪ বছৰৰ মূৰে মূৰে নৱেম্বৰ মাহত ৰাষ্ট্ৰপতি নিৰ্বাচন অনুষ্ঠিত হয় আৰু ২০ জানুৱাৰীত নতুন ৰাষ্ট্ৰপতিয়ে শপত গ্ৰহণ কৰে। যদি এই তাৰিখটো দেওবাৰ হয়, তেন্তে ৰাষ্ট্ৰপতিয়ে ব্যক্তিগত অনুষ্ঠানত শপত গ্ৰহণ কৰে আৰু পিছদিনা ৰাজহুৱা অনুষ্ঠানৰ আয়োজন কৰা হয়। কিন্তু যিকোনো পৰিস্থিতিতেই ৰাষ্ট্ৰপতিৰ শপত গ্ৰহণ ২০ জানুৱাৰীত হয়। এই প্ৰশ্নটো বহুতৰে মনত উদয় হয় যে আমেৰিকাৰ নতুন ৰাষ্ট্ৰপতিয়ে ২০ জানুৱাৰীতেই কিয় শপত গ্ৰহণ কৰে। গতিকে ইয়াৰ আঁৰৰ গুৰুত্বপূৰ্ণ কাৰণ আৰু আমেৰিকাত এই পৰম্পৰা কিমান দিন ধৰি চলি আহিছে সেই বিষয়ে জানো আহক।
২০ জানুৱাৰীত শপত গ্ৰহণ কৰাৰ পিছত দ্বিতীয়বাৰৰ বাবে আমেৰিকাৰ ৰাষ্ট্ৰপতি হিচাপে কমাণ্ড ল’বলৈ ওলাইছে ড’নাল্ড ট্ৰাম্পে। আমেৰিকাৰ ইতিহাসত প্ৰথমবাৰৰ বাবে ৰাষ্ট্ৰপতিৰ শপত গ্ৰহণ অনুষ্ঠানটো বিশাল হ’ব য’ত বিশ্বৰ বহু দেশৰ আগশাৰীৰ লোকে অংশগ্ৰহণ কৰিবলৈ ওলাইছে। এইবাৰ আমেৰিকাৰ সংসদৰ ভিতৰৰ কেপিটেল ৰটাণ্ডা হলত শপতগ্ৰহণ অনুষ্ঠান অনুষ্ঠিত হ’ব। আমেৰিকাৰ ইতিহাসত ৪০ বছৰৰ পাছত এনেকুৱা হৈছে যেতিয়া ঘৰৰ ভিতৰতে এজন ৰাষ্ট্ৰপতিয়ে শপত গ্ৰহণ কৰিব। তীব্ৰ ঠাণ্ডাৰ প্ৰতি লক্ষ্য ৰাখি এই সিদ্ধান্ত লোৱা হৈছে।
আমেৰিকাৰ প্ৰতিজন নতুন ৰাষ্ট্ৰপতিয়ে শপত গ্ৰহণ কৰি ২০ জানুৱাৰীত কাৰ্যভাৰ গ্ৰহণ কৰে। কিন্তু ১৯৩৩ চনৰ আগতে আমেৰিকাৰ ৰাষ্ট্ৰপতিৰ শপত গ্ৰহণৰ তাৰিখ বেলেগ আছিল। তাৰ পিছত ১৯৩৩ চনত নেব্ৰাস্কাৰ চিনেটৰ জৰ্জ নৰিছৰ উদ্যোগত সংবিধানৰ ২০ সংখ্যক অধ্যায়ৰ সংশোধনী কৰা হয়। এই দিনটোক আমেৰিকাত উদ্বোধনী দিৱস বুলিও কোৱা হয়। আমেৰিকাৰ উপ-ৰাষ্ট্ৰপতিগৰাকীয়েও আজিৰ দিনটোত শপত গ্ৰহণ কৰে।
ইয়াৰ পূৰ্বে কেতিয়া আমেৰিকাৰ ৰাষ্ট্ৰপতিয়ে শপত গ্ৰহণ কৰিছিল?
আমেৰিকাত ১৯৩৩ চনৰ আগতে ৰাষ্ট্ৰপতিৰ শপত গ্ৰহণৰ তাৰিখ আছিল ২০ জানুৱাৰীৰ পৰিৱৰ্তে ৪ মাৰ্চ। ৰাষ্ট্ৰপতি নিৰ্বাচনৰ প্ৰায় দুমাহ পিছতে শপতগ্ৰহণ অনুষ্ঠান অনুষ্ঠিত হয়। ১৭৮৯ চনত আমেৰিকাৰ সংবিধানৰ অস্তিত্বৰ পৰাই ৪ মাৰ্চত ৰাষ্ট্ৰপতিৰ শপত গ্ৰহণৰ তাৰিখ নিৰ্ধাৰণ কৰা হৈছিল। কিন্তু এই প্ৰক্ৰিয়াটো দীঘলীয়া আৰু জটিল হৈ পৰিছিল।
পৰম্পৰা কেতিয়া সলনি হ’ল?
নিৰ্বাচনৰ পিছৰ শপতগ্ৰহণৰ দীঘলীয়া ব্যৱধান ১৯৩৩ চনত দূৰ হয়। ১৯৩৩ চনত আমেৰিকাৰ সংবিধানৰ ২০ সংখ্যক অধ্যায়ৰ সংশোধনী কৰা হয়। ইয়াৰ পিছত ৰাষ্ট্ৰপতিৰ শপত গ্ৰহণৰ তাৰিখ ৪ মাৰ্চৰ পৰিৱৰ্তে ২০ জানুৱাৰীলৈ সলনি কৰা হয়। এই সংশোধনীৰ পিছত ফ্ৰেংকলিন ডি ৰুজভেল্ট আছিল আমেৰিকাৰ প্ৰথমজন ৰাষ্ট্ৰপতি যিয়ে ১৯৩৩ চনৰ ২০ জানুৱাৰীত শপত গ্ৰহণ কৰিছিল। এই পৰম্পৰা তেতিয়াৰ পৰাই চলি আহিছে।
Continue Reading
