ডিজিটেল ডেস্ক: সততেই বিতৰ্কই আগুৰি থকা বিদ্যুৎ বিভাগৰ আন এক আজৱ কাণ্ডই শেহতীয়াকৈ চৰ্চা লাভ কৰিছে৷ উমেদগড় গাঁৱৰ ঘৰুৱা গ্ৰাহক লাভেশ গুপ্তালৈ বিদ্যুৎ বিভাগে প্ৰেৰণ কৰা ৩৫৫ কোটি টকাৰ বিলে স্তম্ভিত কৰি তুলিছে৷ বিলখনত ২৫ দিনত প্ৰায় ৩০ কোটি ইউনিট বিদ্যুৎ খৰচ হোৱা বুলি উল্লেখ কৰা হৈছে।
৩৫৫ কোটি টকাৰ বিল দেখি বিপাংত পৰিছে উপভোক্তা। উমেদগড় গাঁৱৰ লাভেশ গুপ্তালৈ ৩৫৫ কোটি টকাৰ বিল প্ৰেৰণ কৰা এই বিলখনে বিদ্যুৎ বিভাগৰ চৰম গাফিলতিক প্ৰদৰ্শন কৰিছে৷ ইফালে বসন্ত বিহাৰতো সৰোজ বালা নামৰ এজন উপভোক্তালৈ ৭৮ লাখ ১৬ হাজাৰ ১০০ টকাৰ বিদ্যুৎ বিল আহিছিল। বিদ্যুৎ বিভাগত অভিযোগ কৰাত এতিয়া ৭২৩ টকাৰ বিল লাভ কৰিছে।
ভুক্তভোগী উপভোক্তা জনে সদৰি কৰা অনুসৰি বিলখনত ৩৩,৯০৪ টকাৰ ফিক্সড চাৰ্জ আৰু ১৯৯ কোটি ৪৯ লাখ ৭২ হাজাৰ ৬৪৮ টকা শক্তি চাৰ্জ অন্তৰ্ভুক্ত কৰা হৈছে। আৰু পৌৰসভাৰ কৰ ৪ কোটি ২৭ লাখ ২০ হাজাৰ ১১৩, ১৪ কোটি ৯ লাখ ৯৯ হাজাৰ ১২৮ টকাৰ ইন্ধন চাৰ্চাৰ্জ এডজাষ্টমেণ্ট, ১৩৪ কোটি ৯৯ লাখ ৯৩ হাজাৰ ৫৪১ টকাৰ পিএলই চাৰ্জ, ২ কোটি ৯৯ লাখ ৯৯ হাজাৰ ৮১৪ টকাৰ বিদ্যুৎ শুল্ক অন্তৰ্ভুক্ত কৰা হৈছে।
বিলখন দেখাৰ পাছত বিষয়াসকলৰ সৈতে যোগাযোগ কৰি বিলখনৰ বিষয়ে অৱগত কৰে৷ বিদ্যুৎ বিভাগৰ বিষয়াসকলে ইয়াক কাৰিকৰী ভুল বুলি অভিহিত কৰি বিহিত ব্যৱস্থাগ্ৰহণ কৰা হ’ব বুলি সদৰি কৰে।
Continue Reading
