ডিজিটেল ডেস্ক : গণতন্ত্রপন্থী প্ৰতিৰোধ গোটৰ নিয়ন্ত্ৰণত থকা মধ্য ম্যানমাৰৰ এখন গাঁৱত ম্যানমাৰৰ সেনাই চলোৱা এক বিমান আক্রমণত ৩০জন অসামৰিক লোক নিহত আৰু আন ২৭জন আহত হয়।
এটা বিৰোধী গোট আৰু ম্যানমাৰৰ অনলাইন সংবাদ মাধ্যমে শনিবাৰে এই কথা কয়। দেশখনৰ দ্বিতীয় বৃহত্তম মহানগৰ মান্দালয়ৰ পৰা ৬৫ কিল'মিটাৰ উত্তৰৰ ছিংগুৰ লেট পান হ্রা গাঁৱত শুকুৰবাৰে বিয়লি ৩ বজাত এই আক্রমণ সংঘটিত হয়। যোৱা বছৰ জুলাই মাহত ম্যানমাৰৰ প্ৰধান বিৰোধীক সমর্থন জনোৱা মান্দালয় পিপল্ ডিফেন্সে ছিংগু নগৰখন দখল কৰিছিল।
উক্ত সংগঠনটোৱে শনিবাৰে টেলিগ্রাম সামাজিক মাধ্যমত প্ৰেৰণ কৰা বিবৃতিমতে লেট পান হ্লা গাঁৱৰ মানুহৰ ভিৰ থকা বজাৰ লক্ষ্য কৰি চলোৱা বিমান আক্রমণত মৃত্যু হোৱা সকলৰ ভিতৰত ছটি শিশুও আছে। ইফালে ইন্ডিপেন্ডেন্ট ম্যানমাৰ নাও নামৰ অনলাইন সংবাদমাধ্যমে জনোৱা মতে আহত সকলৰ সাতজনৰ অৱস্থা গুৰুতৰ।
উৎসঃ দৈনিক জনমভূমি
Continue Reading
