ডিজিটেল ডেস্ক : পত্নী,কন্যাসহ দুদিনীয়া ভ্ৰমণসূচীৰে কাজিৰঙাত সোমবাৰে সন্ধিয়া উপস্থিত হয় ক্ৰিকেটৰ ভগৱান শচীন তেণ্ডুলকাৰ ।
বিহুৰে শচীন আৰু তেওৰ পৰিয়ালক আদৰণি জনায় বৰগছ ৰিজৰ্ট কৰ্তৃপক্ষই।আদৰণি জনোৱাৰ সময়ত উপস্থিত থাকে বোকাখাত সমজিলা প্ৰশাসন আৰু বন বিভাগ। শচীনক চাবলৈ হেতা ওপৰা লগায় অনুৰাগীয়ে।নিশা শচীন আৰু পৰিয়ালৰ বাবে বিহুৰ অনুষ্ঠানৰ আয়োজন কৰা হয় ৰিজৰ্টখনত।লগতে শচীন আৰু পৰিয়ালৰ বাবে বিগ স্ক্ৰীনত আইপিএল প্ৰদৰ্শনীৰো ব্যৱস্থা কৰে ৰিজৰ্টখনে।
নিশাৰ আহাৰত শচীন আৰু পৰিয়ালৰ বাবে ৰখা হয় কন্টিনেন্টেল আহাৰ। পীজা,পাচতা,ফ্ৰেনচ ফ্ৰাইচ,ব্লেক ৰাইচ খীৰ গ্ৰহণ কৰে শচীন আৰু পৰিয়ালে। বৰগছ ৰিজৰ্টৰ চ্যেফ হীৰকজ্যোতি বৰুৱাই জনোৱা মতে খাদ্য খাই যথেষ্ট আপ্লুত হয় শচীন।ইপিনে পুৱা অসমীয়া জলপানত লাড়ু,পিঠা,দৈ গ্ৰহণ কৰে শচীন আৰু পৰিয়ালে।তাৰ পিছতে বাগৰি বনাঞ্চল দৰ্শন কৰে শচীন আৰু পৰিয়ালে।বাগৰি বনাঞ্চল দৰ্শনৰ সময়ত বাঘৰ দৰ্শন লাভ কৰে শচীনে।
বনাঞ্চল দৰ্শনৰ সময়ত হাতী,ম'হো দৰ্শন কৰে শচীন আৰু পৰিয়ালে।কাজিৰঙাৰ DFO অৰুণ ভিগ্নেশে সংগ দিয়ে শচীনক।শচীনে কাজিৰঙা ৰাষ্ট্ৰীয় উদ্যানৰ বনদুৰ্গা বাহিনীৰ সৈতেও ফটো উঠে।বাগৰি বনাঞ্চল দৰ্শন কৰি আপ্লুত হোৱা বুলি মন্তব্য কৰে শচীনে।
বাঘ আৰু ওচৰৰ পৰা চাব বিচাৰো বুলি কয় কিংবদন্তীগৰাকীয়ে।বাগৰি বনাঞ্চল দৰ্শনৰ সময়ত লক্ষ্যধৰ কুমাৰ ,যতীন দাস নামৰ যুৱকদুজনে গামোচা পিন্ধায় শচীনক। শচীনক লগ পাবৰ বাবে নিশাই কাজিৰঙাত উপস্থিত হৈছিল যুৱকদুজন।কেৱল তেওলোকেই নহয় বহু অনুৰাগীয়ে ভিৰ কৰিলে কাজিৰঙা ৰাষ্ট্ৰীয় উদ্যানৰ বাগৰি বনাঞ্চলত।
আনহাতে বাগৰি বনাঞ্চলত ৱিহান বৈভৱ নামৰ এটি কিশোৰক হাত মিলাই শচীনে।মহাৰাষ্ট্ৰৰ পৰা পিতৃ মাতৃৰ সৈতে কাজিৰঙা দৰ্শনৰ বাাবে আহিছিল কিশোৰজন।শচীনক লগ পাই আনন্দত আত্মহাৰা বৈভৱ।আনহাতে দুুুপৰীয়া কহঁৰা বনাঞ্চল দৰ্শন কৰি দুপৰীয়াৰ আহাৰ আয়'ৰা ৰিজৰ্টত গ্ৰহণ কৰিব শচীনে।নিশালৈ পৰম্পৰাগত থলুৱা আহাৰৰ ব্যৱস্থা কৰিছে বৰগছ ৰিজৰ্টে।নিশা বৰগছ ৰিজৰ্টত কটাই কাইলৈ পুৱা উভতি যাব শচীন আৰু পৰিয়াল।
Continue Reading
