এই অভিযানত ইছৰ’ই PSLV-C59 ৰকেট উৰুৱাইছে। এই C59 আচলতে ৰকেট ক'ড। এইখন আছিল পিএছএলভিৰ ৬১ সংখ্যক বিমান আৰু এক্সএল ভেৰিয়েণ্টৰ ২৬ সংখ্যক বিমান। এই ৰকেটৰ উচ্চতা ১৪৫.৯৯ ফুট। উৎক্ষেপণৰ সময়ত এই চাৰিটা পৰ্যায়ৰ ৰকেটৰ ওজন ৩২০ টন। এই ৰকেটে প্ৰ’বা-৩ উপগ্ৰহটোক ৬০০ X

Listen to Article

2 min read

80%

ডিজিটেল ডেস্কঃ ইছৰ’ই ২০২৪ চনৰ ৪ ডিচেম্বৰত প্ৰ’বা-৩ৰ উৎক্ষেপণ পিছুৱাই দিয়াৰ পিছত আজি অৰ্থাৎ ২০২৪ চনৰ ৫ ডিচেম্বৰত বিয়লি ৪:০৪ বজাত ইয়াক উৎক্ষেপণ কৰে। শ্ৰীহৰিকোটাৰ সতীশ ধাৱন মহাকাশ কেন্দ্ৰৰ ১ নং লঞ্চ পেডৰ পৰা পিএছএলভি-এক্সএল ৰকেটৰ দ্বাৰা উৎক্ষেপণ কৰা হয়। মাত্ৰ ২৬ মিনিট উৰণৰ অন্তত ইছৰোৰ ৰকেটে মহাকাশত উপগ্ৰহসমূহ স্থাপন কৰিব।

এই অভিযানত ইছৰ’ই PSLV-C59 ৰকেট উৰুৱাইছে। এই C59 আচলতে ৰকেট ক'ড। এইখন আছিল পিএছএলভিৰ ৬১ সংখ্যক বিমান আৰু এক্সএল ভেৰিয়েণ্টৰ ২৬ সংখ্যক বিমান। এই ৰকেটৰ উচ্চতা ১৪৫.৯৯ ফুট। উৎক্ষেপণৰ সময়ত এই চাৰিটা পৰ্যায়ৰ ৰকেটৰ ওজন ৩২০ টন। এই ৰকেটে প্ৰ’বা-৩ উপগ্ৰহটোক ৬০০ X ৬০,৫৩০ কিলোমিটাৰ দৈৰ্ঘ্যৰ উপবৃত্তাকাৰ কক্ষপথত স্থান দিব। প্ৰ’বা-৩ হৈছে বিশ্বৰ প্ৰথমটো নিখুঁত গঠন উৰণীয়া উপগ্ৰহ। অৰ্থাৎ ইয়াত এটা নহয় দুটা উপগ্ৰহ উৎক্ষেপণ কৰা হ’ব। যাৰ মুঠ ওজন হ’ব ৫৫০ কেজি। প্ৰথমখন হৈছে ক’ৰ’নাগ্ৰাফ মহাকাশযান আৰু দ্বিতীয়খন হৈছে অকুলটাৰ মহাকাশযান।

কৰ'নাগ্ৰাফ মহাকাশযান

৩১০ কিলোগ্ৰাম ওজনৰ এই উপগ্ৰহটো সূৰ্য্যৰ সন্মুখত থিয় হ’ব। ই লেজাৰ আৰু ভিজুৱেল ভিত্তিক লক্ষ্য নিৰ্ধাৰণ কৰিব। ইয়াৰ ASPIICS আৰু 3D Energetic Electron Spectrometer আছে। ইয়াত সূৰ্য্যৰ বাহ্যিক আৰু ভিতৰৰ ক’ৰ’নাৰ মাজৰ ব্যৱধান অধ্যয়ন কৰা হ’ব। সূৰ্য্যৰ সন্মুখতো থিয় হ’ব। যেনেকৈ সূৰ্যগ্ৰহণত চন্দ্ৰ সূৰ্য্যৰ সন্মুখত আহে।

অকুলটাৰ মহাকাশযান

২৪০ কিলোগ্ৰাম ওজনৰ এই মহাকাশযানখন ক’ৰ’নাগ্ৰাফৰ পিছফালে থাকিব। যেনে, সূৰ্যগ্ৰহণত চন্দ্ৰ সূৰ্য্যৰ সন্মুখত থাকে আৰু পৃথিৱী পিছফালে থাকে। ইয়াত স্থাপন কৰা DARA অৰ্থাৎ ডিজিটেল এবছল্যুট ৰেডিঅ’মিটাৰ বিজ্ঞান পৰীক্ষাৰ যন্ত্ৰই ক’ৰ’নাৰ পৰা লাভ কৰা তথ্য অধ্যয়ন কৰিব।